غزة اتحاصرت
هكذا دوى الخبر فى وسط الجمع لتبتر الضحكات وتنحشر الكلمات فى الحلوق
وربما لمعت بعض المقلات بدمع التعاطف او الفرح !
و ساد صمت المرتقب
***********
اجهزة العناية المركزة وقفت .. اطفال الحضانات كمان فى خطر
*************
رفعت : اطمن يا فندم اجرأ التحقيقات هتكون من نصيب شبكتنا الاعلامية الخبر هيكون عندك فور حدوثه و قبل ما يحدث
*************
: غزة اتحاصرت يا تهانى فاهمة يعنى ايه اتحاصرت ؟؟
: معرفتش اجيب عيش من الطابور النهارده كان زحمة اوى
جبت نص كيلو مكرونة تخيل الكيلو وصل ل اربعة جنيه !
**************************
هزى يا نواعم برنامج جديد لاكتشاف مواهب الرقص الشرقى فى وطننا العربى
******************
غزة اتحاصرت الناس بتموت وانتى لابسه قميص نوم !!
:يعنى لو غزة متحاصرتش مكنتش هتمانع ؟؟
***************
: ادهم صبرى رجل مخابرات مصرى محنك يجيد كل فنون القتال و ....
:يعنى يقدر يجبلنا الكهربا ؟
*******************
: ماما امتى النور يرجع
: لو يخلو حال بابا
**************
مبارك يجرى اتصالا مع اسرائيل لتخفيف الحصار عن غزة و مراعاة الحالة الانسانية
***************
اسرائيل توافق على تخفيف الحصار
***********
هاأوأوأو
****************
لا تصالح ! ولو قيل رأس برأسٍ
أكلُّ الرؤوس سواءٌ ؟
أقلب الغريب كقلب أخيك ؟!
أعيناه عينا أخيك ؟!
وهل تتساوى يدٌ .. سيفها كان لك
بيدٍ سيفها أثْكَلك ؟
**************
عاشق مجنون يريد يتعرف على ملكة الشات كرر بليززز
**************
معناش فلوس الغسيل الكلوى بتاع ابوك .. هيموت
************
مفيش كهربا لحالات الغسيل الكلوى .. هيموتو
***********
رفعت : مش قولتلك الاخبار هتبقى عندك اول بأول
مجدى : ياريت يكون فى حصار كل يوم
***************
اعتقال افراد من الاخوان المسلمين بالاسكندرية
***************
اياك اشوفك تطلع فمظاهرة انا ماليش راجل غيرك عايز تضيع و تسبنى لمين ؟
: عشان ابقى راجل لازم على الاقل اطلع فمظاهرة واقول كفايه
************
عنيك بتقول بحبك
مش هقدر ابوح بيها الا اما ابقى قدها
مش هلومك لو مقدرتيش تستنى
****************
كنا رجاله ووقفنا وقفة رجالة
*************
العرب كلهم الوبا و الباقى منهم مساخيط
كتبت بواسطة:
no0r
الأربعاء، 5 مارس 2008
ومضات: حصــــــــــــــار!
الاشتراك في:
تعليقات الرسالة (Atom)
هناك تعليق واحد:
أبدعت فأبكيت
إرسال تعليق